АГИКИ ректора Ийэ тыл күнүнэн эҕэрдэлиир!
Күндү Саха сирин олохтооро!
Олунньу 13 күнүгэр саха норуотун улуу сырдатааччыта, лингвист-учуонайа Семен Андреевич Новгородов төрөөбүт күнүгэр Ийэ тыл күнэ бэлиэтэнэр. Тыл - киhи барҕа баайа, тыынар салгына.
Төрөөбүт тыл – норуот уhун кэмҥэ олорбут олоҕун историятын тыыннаах кэрэhитэ. Омук тыла сайдыылаах, баай, этигэн, хомоҕой буоллаҕына инники кэскилигэр бөҕө санаалаах буолар.
Арктикатааҕы судаарыстыбыннай култуура уонна искусство институтун үлэтэ Саха сирин эрэ буолбакка, Сибиир, Уhук Илин регионнар төрүт омуктарын култуураларын сайыннарар сүдү аналлаах. Онуоха эһиги
төрөөбүт төрүт тылгытын уонна норуоккут баай култууратын дэгиттэр баһылаан, кини кыаҕын таба туһанан сайдыы суолун кытта тэҥҥэ хаамсан иһэргититтэн улахан тутулуктаах.
Күндү АГИКИ уhуйааччылара уонна устудьуоннара! Тэтимнээхтик сайда, уларыйа турар кэмҥэ, төрүт култуураҕытыгар тирэҕирэҥҥит, сонун бырайыактары олоххо киллэрэн иһэргититтэн киэн туттабын!
Сахабыт тыла – норуоппут тыыннаах буолар сүдү күүһэ, өбүгэлэрбит анаан хаалларбыт күндү көмүс бэлэхтэрэ! Барыгытын Ийэ тыл күнүнэн!
АГИКИ ректора
Саргылана Игнатьева